الخطوبة

        الخطوبة وعد بالزواج .... أقولها تانى ... وعـــــــــــــد بالزواج 

.... لايترتب عليها أى احكام شرعية .... اللهم إلا للرجل ... لا يحق 

أن يخطب على خطبة أخيه ...

لكن غير كده ... هو غريب عنك وأجنبى ولا يحل لك .. وانت 

كمان ... يعنى يطبق عليكم القواعد العامة فى المعاملات مابين أى 

رجل أجنبى وامرأة أجنبية ...

بس هى الفكرة ... انكم بتشوفوا بعض .... وتتيقنوا من القبول .... 

بتحاولوا تتكلموا مع بعض وتتناقشوا فى الأمور الحياتية الهامة ... 

التي ستترتب عليها حياتكم بعد كده ... لكن أيضاً فى حدود أنكم 

أجانب مع بعض ...

بالنسبة للجزئية التانية بصراحة انا مستغربها جداااااااااااااااااا !!

يعنى إيه بيستهبل بعد كتب الكتاب ؟؟ .....

بعد كتب الكتاب انت مراته ... زوجته ... شرعا وقانونا !! ... يعنى 

حقه يستهبل للصبح !! 


حرام عليكى يا أختى فى الله ... الواد مسك نفسه طول حياته .... 
وطلع عينه على ما كتب الكتاب ووصل للمرحلة دى ... وبقيتى مراته شرعا وقانونا ... وتقوليله مايستهبلش ؟؟

استهبل يابنى منك ليه ... ولك أجر 

مافيش حاجة اسمها أصل ممكن مايحصلش نصيب !! طب ماهو 

ممكن بعد ماتتجوزوا وتجيبوا أربع عيال تتطلقوا !! ومايحصلش 

نصيب ...

واعلمى أن أى شئ دار بينكم وقت كتب الكتاب ... مش بس حلال ... 

دا ربنا سبحانه وتعالى سيؤجركم عليه الأجر الكبير !! لأنك بتعمليه 

بالحلال 

إعفاف نفسك وإعفافه ... اللى هو أساسا المقصد والغرض الأساسى 

من الزواج فى كل بلاد الدنيا ( ماعدا مصر طبعا ) ...

بس الحاجة اللى العلماء اتكلموا فيها .... ان ما يحصلش دخول غير 

بموافقة الأهل ومعرفتهم ... لأن دى بيترتب عليها أحكام شرعية .... 

لكن مادون ذلك حقه وحقك وبتأخذوا حسنات عليه كمان !!